«مبيعطلش واللي بيدافع عنه بيستفيد من وراه».. رسائل نارية من مجدي عبد الغني بسبب عبد الحفيظ

وجه مجدي عبدالغني، نجم النادي الأهلي السابق، رسائل نارية بسبب عقد مقارنة من قبل جماهير المارد الأحمر بين خالد بيبو مدير الكرة بالفريق الأول لكرة القدم بالقلعة الحمراء، مع سيد عبدالحفيظ، مدير الكرة السابق.

وقال مجدي عبدالغني، في تصريحات تلفزيونية عبر فضائية «الشمس»: «بتقارنوا خالد بيبو، اللي بقاله سنة واحدة بسيد عبدالحفيظ، اللي قعد 10 سنين، فيهم سنين مجبش فيهم بطولات خالص واستمر».

وأضاف: «سيد عبدالحفيظ مبيغلبش، مشي من النادي الأهلي بيروح يبقى مقدم برامج عنده حاجات تانية بيعرف يعملها معندوش مشكلة».

وتابع: «اللي بيدافع عن سيد عبدالحفيظ، بيدافع عن شخص بيستفيد من وراه أكيد، سيد مقعدش في بيته بعد رحيله من الأهلي، في ناس قعده في بيتها محدش بيدافع عنها ولا حد بيجيب سيرتها وإنما سيد عيد الحفيظ، مش قاعد في بيته بيطلع في البرامج على طول وناقص يقدم برنامج، لو قناة الأهلي مفتوحة كان زمانه قدم برامج، الراجل مبيعطلش وشاطر».

وتسائل:«ليه دايمًا المقارنة مع خالد بيبو؟ إيه اللي عمله خالد بيبو، عشان الناس تقارنه مع عبدالحفيظ».