حسين الشحات عن سبب مكاسب الأهلي: النية سالكة (فيديو)
«النية سالكة».. هكذا عبر حسين الشحات، لاعب الأهلي، عن السبب وراء انتصارات الفريق الأحمر، وحصده لقب الدوري المصري، الموسم الجاري.
وقال حسين الشحات، في تصريحات عبر برنامج «الكورة مع فايق»: «بتكسبوا إزاي وأنتم طول الوقت بتهزورا؟ عشان احنا الحمدلله، النية كانت سالكة كلها وكلنا بنحب بعض، مفيش حد شايل من حد أو حد زعلان أو حد عايز الفريق يخسر».
وعن كيفية تعامل مارسيل كولر مع اللاعبين في ظل حزن بعض اللاعبين من عدم المشاركة، قال الشحات: «كان دايمًا يقولنا أنا مش بإيدي حاجة، أنتم كلكم لاعيبة كويسة».
وأضاف: «كل اللاعيبة اللي عندنا مفيش حد مثلًا تقول أصل ده احتياطي لحسين، وحسين احتياطي لأفشة. مفيش حد تقول ده احتياطي».
وأكمل: «كل حد بينزل بيفرق عن التاني، ولو جايب جول ممكن التاني ينزل يجيب جول. وكان يقول حط نفسك مكاني، هلاعب مين وكلكم كويسين».
حسين الشحات: نيتنا في الأهلي سالكة ومفيش حد شايل من التاني.. علشان كده بنكسب
يعرض الآن مجاناً على شاهدhttps://t.co/bJvqEFWvoc #الكورة_مع_فايق#الشحات_مع_فايق#MBCMASR2 pic.twitter.com/VSuYA6oBcx
— الكورة مع فايق (@ElKoraMa3Fayek) August 13, 2024
