«أنا مش قادر».. حسين الشحات يكشف كواليس صعبة للاعبي الأهلي بسبب ضغط المباريات

تحدث حسين الشحات، لاعب الأهلي، عن أزمة ضغط المباريات في بطولة الدوري المصري، التي تعرضت لها الفرق، خلال الموسم الجاري 2023-2024.

وقال حسين الشحات في تصريحات عبر برنامج «الكورة مع فايق»: «اللي أنا عايز أقوله ياريت بجد نبقى زي الناس كلها واللاعيبة تاخد إجازة».

وأضاف: «مش بتكلم عن الأهلي بس أنا بتكلم عامة، الدوري يبدأ في ميعاد ويخلص في ميعاد، أنا عارف إن صعب بسبب حاجات وظروف كتير وأفريقيا وكأس العالم بس بتمنى إنه يحصل».

وأكمل: «لكن الأهلي، احنا اتعذبنا. ربنا وحده عالم اللاعيبة كنا بنقول لبعض إيه، كل واحد كان يقابل التاني أنت عامل إيه؟ يقوله مش قادر».

وتابع: «محدش كان قادر من بعد أفريقيا. احنا اضغطنا جدًا. كل يومين و3 أيام ماتش. طيب إزاي يا جماعة؟ أنا مش قادر».