«اللي مشي من الزمالك ندم».. إعلامي يوجه رسائل نارية لـ نجمي الأبيض

وجه الإعلامي سيف زاهر نصيحة إلى محمد عواد حارس مرمى نادي الزمالك، وأخرى لـ محمد صبحي حارس مرمى الفارس الأبيض، بشأن مستقبل اللاعبين في القلعة البيضاء.

وقال سيف زاهر في تصريحات تليفزيونية عبر شاشة قناة أون تايم سبورتس: «نصيحة لـ عواد أنت دماغك مبتفكرش صح، فبنصحك بالتجديد للزمالك وابتدي من نقطة جديدة، اللي مشي من الزمالك ندم».

وأكمل: «وبوجه كمان رسالة لـ صبحي جدد لنادي الزمالك، دي فايدة ليك وبتقربك للمنتخب وكدة كدة الفلوس هتيجي، سيبك من التفكير اللي بتفكر فيه وركز في الكورة فقط».

وزاد: «أظن أن الشناوي أمبارح أدى درس للناس كلها ومفروض كله يتعلم منه، لما اتكلم عن الفلوس والعروض وظل متمسكو بالنادي الأهلي».

وأضاف: «ناس كتير مشيت من نادي الزمالك وندمت، أة خدوا فلوس برا بس التاريخ خلص والفرصة انتهت، الزمالك فرصة كبيرة».