رئيس قناة الأهلي السابق يوجه رسالة للجماهير بسبب الصفقات: «بتضيقوها لمصلحة مين»

قال المنتج محمد العدل رئيس قناة النادي الأهلي السابق، إن إدارة النادي الأهلي هم من تعاقدوا مع وسام أبوعلى وعمر كمال عبدالواحد ويحيي عطية الله، مشيرًا إلى أن الضغط على الإدارة في موضوع الصفقات ليس في مصلحة الأهلي.

وطالب محمد العدل جماهير الأهلي بالهدوء في ملف صفقات النادي وذلك عبر صفحته الرسمية بـ«فيس بوك»: «صباح الخير يا أهلاوية ..ارحموا.. مش ممكن يبقى معانا وقت للتفاوض في صفقة، وانتوا تضغطوا الإدارة، عشان ما تستفيدش من الوقت ده، الادارة دى اللى جابت إمام ووسام ابو على وعمر كمال عبدالواحد ويحى عطية الله.. وغيرهم».

وتابع: «الإدارة دى اللى جابت كل البطولات اللى عدت عليها وف كل الألعاب كمان، سيبوهم يشتغلوا بدون ضغوط، وأكيد هم أهلاوية زينا بس هم شايفين الصورة اوضح
اهدوا شوية بقى ربنا موسعها عليهم بتضيقوها إنتوا ليه؟؟ ولمصلحة مين؟؟».