«عشان فاشلين هيقعدوا».. مجدي عبدالغني يفتح النار على مسؤولي اتحاد الكرة

فتح مجدي عبدالغني، نجم الأهلي السابق، على مسؤولي اتحاد الكرة، بسبب عدم وضوح الرؤية الخاصة بمستقبل الدوري في الموسم الجديد.

وقال مجدي عبدالغني في تصريحات عبر قناة «الشمس»: «كل هم اتحاد الكورة دلوقتي إنه عايز يقعد، وممكن يقعدوا لأنهم مش عاملين حاجة، وضع غريب جدًا، أنا مش فاهم إزاي بيفكروا التفكير ده؟».

وأضاف: «هل في حد مشجعهم على التفكير ده ومن بعيد جسوا النبض شافوا ممكن يقعدوا هل هيحصل، مش عارف؟ هل هما عشان فاشلين هيقعدوا مش قادر أفهم؟!».

وأكمل: «مفيش حاجة خالص أو فكر أو حاجة بتتطبق للمستقبل أو قادرين ياخدوا قرار للدوري، وقالوا الأندية بترفض دوري المجموعتين، وده وضع طبيعي. أنت فين كصاحب رأي؟».