«أنت مفلس».. نجم الزمالك السابق يفتح النار على جوزيه جوميز

فتح أسامة حسن، نجم الزمالك السابق، النار على جوزيه جوميز، المدير الفني للفريق الأول، بعد دفع الأخير بعدد كبير من الناشئين وعدم التعامل مع الظروف الحالية بالشكل الأنسب.

وقال أسامة حسن في تصريحات عبر قناة «الشمس» عن جوزيه جوميز: «أنت مدي راحة سلبية لمين أنا معرفش؟، الإجهاد عندي مش من الماتشات، الإجهاد عندي من الضغط العصبي ومن الجمهور عشان آخد بطولة».

وأضاف: «الزمالك فقد الكلام ده من آخر 10 اسابيع فاللاعبية بتلعب من غير ضغوط، الراجل بيمرنهم إيه انا معرفش بيقول إيه في المحاضرة معرفش، إداهم أجازة ليه؟».

وتابع: «مفيش نادي في العالم بيرمي 6 ناشئين في الملعب. أنت مفلس فعايز تقول دول الناشئين بتوعكم فكشفتهم. أنت اللي اتكشفت، مفيش مدرب عاقل يرمي لاعيبة مع بعض ممرنتهمش، ملعبوش مع بعض، مفيش فترة إعداد أو ماتشات ودية عشان يحفظوا طريقتك، أنت حرقتهم عشان أنت مفلس».