«كان بيتسول اللعب».. نجم الزمالك السابق يدافع عن قرار إمام عاشور باللعب للأهلي

دافع نجم الزمالك السابق عن انتقال إمام عاشور إلى الأهلي، قادمًا من ميتلاند الدنماركي، رغم أنه كان محسوبًا على القلعة البيضاء، قبل الاحتراف الخارجي.

وقال بشير التابعي بشأن عدم عودة إمام عاشور للزمالك والانتقال إلى الأهلي: «الراجل كان موجود وبيقول أنا عايز، بس ولا حد سأل. إيه خلص نفسك دي هو بيلعب في مركز شباب؟».

وأضاف في تصريحات عبر قناة «ETC»: «اللي حصل حصل ولازم جمهور الزمالك يعرف كويس أوي إن إمام عاشور مغلطش في حاجة. الراجل قعد شهر في نادي الزمالك بيتسول اللعب، الناس لا سألت ولا فكرت حتى تراسل النادي هناك ولا عملت أي تواصل».

وأكمل: «خلاص هو متاح لأي حد فالراجل المفروض يعمل إيه يعتزل مثلًا أو يبطل كورة؟ إذا كان النادي مش عايزه، ولو كان عايزه حتى كان فكر بأي وسيلة لكن الموضوع كان مقفول».