«القطة كلت عيالها ولا إيه!».. مجدي عبدالغني يفتح النار على مترجم كولر

فتح مجدي عبدالغني، نجم النادي الأهلي السابق، النار على خالد الجوادي، مترجم السويسري مارسيل كولر، المدير الفني للفريق الأول لكرة القدم بالنادي الأهلي.

وقال مجدي عبدالغني، في تصريحات تلفزيونية عبر فضائية «الشمس»: «ده المترجم عامل نفسه صاحب النادي رايح يشجع الجمهور، أول مرة في حياتي أشوف مترجم رايح يشجع الجمهور!».

وأضاف: «إحنا مكنش بيجيلنا مترجم، كنا نخلي المدرب ينطق عربي يا لعيب هو اللي يترجم، أنا وخالد جادالله كنا بنعرف إنجليزي وكنا بنترجم للمدرب، ومعظم اللعيبة كانت متعلمة وبتفهم الكلام اللي بيقوله المدرب».

وتابع: «المترجم شغلته يقول الكلام اللي المدرب بيقوله، ولو المدرب بيقول كلمة قاسية المتزجم يظبطها».

وأتم: «من امتى المترجم يروح يشجع الجمهور! من امتى ده! هي القطة كلت عيالها ولا إيه! واضح كده القطة كلت عيالها وربنا يستر».