«بالبركة».. إبراهيم سعيد يهاجم مجلس إدارة الزمالك

هاجم إبراهيم سعيد، نجم الأهلي والزمالك السابق، مجلس إدارة القلعة البيضاء، لعدم إدارة الأمور بالشكل الجيد وعدم الاتفاق على إبرام صفقات للموسم الجديد حتى الآن.

وقال إبراهيم سعيد في تصريحات عبر قناة «النهار»: «فين الصفقات لنادي الزمالك؟ الناس كلها بتجيب صفقات حتى جمهور الزمالك بيتكلم فين مجلس الإدارة؟».

وأضاف: «إنتم سايبين الموضوع كدة هيمشي بالبركة، مفيش إنك رئيس نادي الزمالك أو عضو مجلس إدارة وبالتليفون أنا هخلص، مفيش الكلام ده في الكورة».

وأكمل: «الناس بتزعل لما ييجي مقارنة. لما بيكون في أزمة منتشرة بين جماهير الأهلي، بتلاقي الجزء الإعلامي بيبتدي يوصل أخبار للجمهور عن الصفقات، بيدي اطمئنان للجمهور. لحد دلوقتي مشوفتش اطمئنان لجمهور الزمالك، كلام بس ومفيش تنفيذ، شماعة بتكون موجودة، أزمة مالية وأزمة القيد فين الحلول؟».

وتابع: «كلامي موحهة لمجلس إدارة الزمالك خلي في صراحة، اعمل مؤتمر واشرح الأزمات اللي عندك. الموضوع عايم أوي مش ظاهر ملامح».