خالد بيبو يتحدث عن موقف أفشة وكهربا.. ويؤكد: سعيت لحل خلاف الشيبي والشحات

أكد خالد بيبو مدير الكرة بالفريق الكروي الأول بالنادي الأهلي، أنه حاول جاهدا، فض الخلاف بين محمد الشيبي لاعب بيراميدز، وحسين الشحات نجم القلعة الحمراء.

وقال خلال تصريحات فضائية عبر برنامج (ملعب أون تايم): «سعيت من أجل حل الأزمة بين الشيبي والشحات، اتكلمنا كذا مرة وكان من المفترض نقعد في جلسو ودية، لكن الأمر لم يتم، بسبب خلافات».

واصل: «أنا مع اللاعيبة في كل مشكلة، من أصغر واحد لأكبر واحد، وفي حاجات مش معلنة بنحاول نحلها، وليا دور نفسي مع كل اللاعيبة ومنهم كهربا».

زاد: «كهربا علاقتي بيه قبل المنصب جيدة وأنا عارفه كويس، لاعب جدع، وهو زيه زي اللاعيبة بيجيله لحظات غضب، بيسمع الكلام وبيساعد، وموجود بشكل إيجابي،
ومفيش وقت بتحتاج كهربا في الملعب إلا وبتلاقيه».

أتم: «كهربا عارف قيمة الأهلي، وهو بيحب الجماهير والجماهير بتحبه. وأفشة لاعب مميز، الراجل بيكون بعيد وبينزل يكسبك بطولة، أفشة كل يوم لازم أقعد معاه
دوري أن اللاعيب يكون تحت عيوني ومش لازم أعرف الناس أنا بعمل إيه في كل حاجة، ومفيش مشكلة بين اللاعب وكولر، الأمر فني بحت».