المفروض اضرب اللاعيبة؟.. بيبو ينفجر غضبًا بعد أنباء رحيله عن الأهلي
قال خالد بيبو مدير الكرة بالفريق الكروي الأول بالنادي الأهلي، إنه سعيد بكافة الإنجازت التي حققها المارد الأحمر، خلال الفترة الماضية.
وتحدث خالد بيبو خلال تصريحات فضائية عبر برنامج (ملعب أون تايم) عن أنباء رحيله من منصبه، قائلا: «الناس اللي بتخسر محدش بيجيب سيرتها، إحنا كسبانين وكل الناس بتجيب سيرتي، الهدف إن خالد بيبو علشان مش بيرد على الناس فا ننقتده وندبحه ويرحل من منصبه».
واصل: «مينفعش بعد كمية المكاسب دي يتقال إن أوضة اللبس في الأهلي فيها مشاكل. كل الأرقام القياسية دي مكنش ممكن تتحق بدون سيطرة على أوضة اللبس، ووقت التعثر الكل بيتجه لانتقادي أنا فقط».
أكد: «مش بزعل على الكلام اللي بيتقال عليا، ولكن بزعل إن في ناس ممكن تصدق الكلام، يعني إيه مفيش سيطرة على أوضة اللبس، المفروض اضرب اللاعيبة؟ اللاعب اللي بيغلط بيتعاقب جوا أوضة اللبس، وأكيد مش هفضل على طول ماسك جرس وأقول أنا عاقبت كذا وكذا وكذا. أنا بشتغل ومقتنع بطريقتي».
