«مش فارق معايا».. رد ناري من خالد بيبو على أنباء رحيله عن الأهلي
رد خالد بيبو، مدير الكرة بالفريق الأول لكرة القدم بالنادي الأهلي، على أنباء رحيله من منصبه في القلعة الحمراء، خلال الفترة المقبلة.
وكشفت تقارير إعلامية في الساعات الماضية عن استقرار مسؤولي النادي الأهلي على رحيل خالد بيبو، من منصب مدير الكرة بالنادي الأهلي.
وقال خالد بيبو، في تصريحات تلفزيونية عبر فضائية «أون تايم سبورتس»: «أنا متعود على الكلام ده، طول ما أنت موجود في الملعب الناس مش هتبطل تتكلم عنك سواء بالإيجابي أو السلبي، باخد كل الكلام من الناحية الإيجابية».
وأضاف: «الموسم بالنسبة لي كان مهم جدًا، نجحنا تقريبًا في التتويج بجميع البطولات التي شاركنا فيها».
وتابع: «أنا موجود في النادي الأهلي دي وظيفة بالنسبة لي بحبها وبشتغل فيها، أكيد في يوم من الأيام همشي، أكيد في يوم من الأيام هتحرك لمكان تاني، في ناس مستعجلة إن أنا أمشي أكتر من أنا مستعجل إني اقعد، مهتمين أوي بالموضوع ده ودايسين جامد في الموضوع ده».
وأتم: «أنا بقولهم متتعبوش نفسكم أنا مش فارقة معايا، أنا بشتغل في النادي الأهلي وببذل قصاري جهدي في أي منصب بشتغل فيه، أنا تحت أمر الأهلي في أي وقت معنديش مشاكل في أي حاجة، حقننا نتائج إيجابية كبيرة جدًا، وفي النهاية هتمشي هتمشي».
