الشناوي يكشف كواليس رفض الاحتفال مع جماهير الأهلي

أشاد محمد الشناوي حارس مرمى فريق كرة القدم الأول بالنادي الأهلي، بالدور الذي يقوم به جماهير القلعة الحمراء، تجاه لاعبي الفريق.

وقال محمد الشناوي خلال تصريحات فضائية عبر برنامج (ملعب أون تايم): «عاوز الجمهور يسمعني ويفهمني، أنا بحب الجمهور وواحد منهم، وعارف ومتأكد إنهم بيحبوا اللاعبين والعكس صحيح، وهما أعظم جمهور، وكلهم على رأسي».

واصل: «كلامي هنا موجه للجماهير اللي حضرت مباراة سموحة.. أنا دلوقتي فاضلي نقطة وأحسم اللقب ليا، فـ المفروض تيجي تشجعني وتدعمني، اللي حصل عكس ده، الجماهير جت شتمت اللاعبين وهتفت لمارسيل كولر وخالد الجوادي، وده أمر معنديش مشكلة فيه».

وأضاف: «انت تعرف التفاصيل؟ انت تعرف اللاعب ده بيمر بظروف شكلها إيه؟ اللاعب اللي انت شتمته كانت والدته في المستشفى وقتها».

وأكد: «القرار مش قرار مجلس إدارة ولا جهاز فني ولا حتى قراري، كل الحكاية إن اللاعيبة جت قالتلي إحنا اتشتمتا وكان المفروض الجماهير تهتف لينا، ولذلك ما احتفلناش معاهم».

وأردف: «كلامي الآن موجه للجماهير بشكل عام، متاخدش حاجة من السوشيال ميديا، اعتمد فقط على الموقع الرسمي أو على تصريحات اللاعب نفسه».