«الفيلا في الساحل بـ 80 مليون».. مجدي عبدالغني ينصح زيزو بالرحيل عن الزمالك

وجه مجدي عبدالغني، نجم الأهلي السابق، النصيحة برحيل أحمد سيد زيزو، لاعب الزمالك، خلال فترة الانتقالات الجارية، في ظل العروض المالية الكبيرة المعروض على اللاعب والنادي.

وقال مجدي عبدالغني في تصريحات عبر قناة «الشمس»: «لو الزمالك مبعش زيزو مش هيلاقي ولا هياخد دوري ولا هينافس على حاجة، زيزو يتباع وممكن يزودوا ويكون مبلغ محترم مدفعش في أي لاعب مصري».

وأضاف: «نادي الزمالك اللي عمل زيزو وشيكابالا وفاورق جعفر والنجوم دول كلهم، يقدر يعمل 50 زيزو، مع احترامي. مش عشان أهلي ولا زمالك، يروح الولد يشوف أكل عيشه ويعمل قرشين يظبط بيهم نفسه، لأن لاعب الكرة ليه عمر افتراضي».

ليقاطعه معتز إينو، نجم الأهلي السابق، قائلًا: «يعمل قرشين؟! على أساس إنه مش لاقي دلوقتي لو قعد في الزمالك، ده ما شاء الله بياخد 40 مليون في السنة، ولو جدد هياخد 70».

ليرد مجدي عبدالغني قائلًا: «الفيلا في الساحل الشمالي بقت بـ 80 و90 مليون، يعني لو راح اشترى فيلا بثمن موسمين».