نجم الزمالك السابق: أشرف داري البديل الأمثل لـ عبدالمنعم في الأهلي.. وكهربا ميتعوضش
أكد نجم الزمالك السابق، رضا العزب، أن النادي الأهلي لابد أن يجهز البديل لـ مدافعه محمد عبدالمنعم، وذلك وسط أنباء اقتراب رحيله عن القلعة الحمراء، مشيرًا إلى أن الدولي المغربي أشرف داري هو البديل الأمثل.
وأضاف العزب في تصريحات تليفزيونية عبر شاشة النهار: «أشرف داري لاعب قوي وسريع، وكمان الأهلي محتاجه عشان مش الاعتماد على ياسر إبراهيم ورامي ربيعة طوال الموسم جنب بعض، لعبهم شبه بعض».
وزاد: «بالنسبة للجبهة اليسرى، شايف أن كريم الدبيس لازم يطلع إعارة، ويتم الاعتماد على يحيى عطية الله أساسي لحين عودة علي معلول وساعتها المنافسة ومستوى الاتنين هو اللي يحكم مين يبقى أساسي ومين دكة».
وأكمل: «الأهلي مش هيعرف يجيب لاعب زي كهربا، كلنا شايفين السوق عامل إزاي ومركز الفرود قليل أوي في مصر، وكمان كهربا مميز، الأهلي مش محتاج يجيب حد مكانه، والله مش هتعرف تعوضه لاعب دولي ومهم كلنا شوفناه الماتشات اللي فاتت».
