«مايتباعش إلا لو».. نجم الزمالك السابق يكشف عن رأيه في رحيل زيزو

كشف محمود فتح الله، نجم الزمالك السابق، عن رأيه في فكرة رحيل أحمد سيد زيزو نجم الزمالك في الميركاتو الصيفي الجاري، أو بقاءه مع الفريق.

وقال فتح الله في تصريحات تليفزيونية عبر قناة «أون تايم سبورتس»: «اتجاه جماهير الزمالك عبر السوشيال ميديا هو بقاء زيزو وعدم رحيله عن الزمالك، ومن الممكن أن أدعم هذه الفكرة وأقول كدة وخلاص، ولكن مصلحة نادي الزمالك هي المتحكم الوحيد في بقاءه من رحيله، وزيزو مايتباعش إلا في حالة وحيدة».

وأضاف نجم الزمالك السابق: «زيزو في آخر 5 سنين أحسن لاعب في مصر، مستواه ثابت، ولعيب محترف ومؤثر، ولما بيغيب عن الزمالك مستوى الفريق بيتأثر، لكن دلوقتي كإدارة نادي لو قادر أجيب موارد عشان أجيب لاعبين جدد يدعموا الفريق بدون بيع زيزو ف ياريت ده يحصل».

وزاد: «الزمالك أكيد بيبحث عن البطولات، فلو المبلغ اللي هيبتاع بيه زيزو هيقدر يبجلي لعيبة تفدني 4 أو 5 سنين قدام فأنا أدعم القرار ده، ولكن مجبش الفلوس وأفرتكها وأجيب صفقات مش هضفلي كتير كدة يبقى بنهزر».