«ده تهريج».. نجم الزمالك السابق ينتقد أنباء عدم توثيق الأبيض لـ عقد أحمد فتوح
انتقد نجم نادي الزمالك السابق، رضا العزب، مجلس إدارة الأبيض حال صحة الأنباء المتداولة بشأن عدم توثيق عقد لاعبه أحمد فتوح بعد أزمته الأخيرة، والقبض عليه بتهمتي تعاطي مخدر الحشيش والقتل الخطأ.
وقال رضا العزب، في تصريحات تليفزيونية عبر شاشة النهار: «اللي بيعمله إدارة الزمالك ده تهريج، يعني ده كلام بدل ميشوفوا اللاعب بتاعهم ويساندوه يقوله مش هنوثق عقده».
وأضاف: «إدارة نادي الزمالك كانت بتترجى أحمد فتوح عشان يجددلهم، أفرض قرار المحكمة طلع كمان شهر مثلا، هل هيقدره يسبوه؟ طبعًا لا».
وأكمل: «من المفترض لو حتى لا قدر الله صدر قرار ضد فتوح، نادي الزمالك يقف جنبه ويسانده، اللاعب ليه رصيد عند النادي، عشان كدة لازم ننتظر قرار المحكمة».
وأتم نجم الزمالك السابق: «لازم نراعي نفسية أحمد فتوح، زي ما عزيت أسرة الفقيد والشهيد، لازم بردو تساند اللاعب بتاعك واللي رصيد كبير عند الجمهور والنادي».
