بعد رفضه للزمالك.. إبراهيم سعيد عن رمضان صبحي: كان زمانك معمولك تمثال
كشف إبراهيم سعيد نجم الأهلي السابق، عن موقف عودة رمضان صبحي لاعب بيراميدز إلى ناديه السابق الأهلي، في الوقت الذي ظهرت فيه تقارير تشير برفض اللاعب الانتقال للزمالك.
وقال إبراهيم سعيد في برنامجه المذاع على “قناة النهار”:«من وجهة نظرى عودة رمضان صبحي إلى الأهلي صعبة جدًا، ومقفوله خلاص».
وأضاف: « لأن موقف رمضان مع الأهلي كان صعب، لأن الأهلي عرض مبلغ كبير عشان يقعد، وهو وقتها اختار طريقه، وكسب فلوس كتيرة، لكن خسر قدامها حاجات تانية كتيرة مجد وبطولات، وجماهير كانت بتدعمك».
وواصل:« كان زمانك أحد نجوم النادي الأهلي، و كان زمانك معمولك تمثال جوه النادي، كل ده بسبب خسارة النادي الأهلي، كمان خسرت منتخب مصر».
وأستكمل: «كلها أربع سنين وهتدخل في مرحلة النهاية، فحاول تستفاد من الوقت المتبقي ليك في الملاعب، فلو قدامك عرض من الزمالك روح».
وواصل: «لكن أنسى فكرة مغزلة النادي الأهلي عشان ترجع القصة دي خلصت خلاص، لأن الأهلي قدرك وأنت اللي سبته، أنت كنت في نعمة محصلتش معايا».
وأتم:« بالتوفيق لرمضان في مسيرته ونفسنا نشوفه زي زمان، ويرجع يكتشف نفسه من تاني لأننا جينا في أوقات نسينا رمضان».
