بيبو معوضش عبدالحفيظ.. تعليق ناري من نجم الزمالك السابق على أنباء رحيل مدير الكرة بالأهلي
علق وائل القباني نجم الزمالك السابق، على الأنباء المنتشرة بشأن رحيل خالد بيبو عن منصب مدير الكرة بالنادي الأهلي، موضحًا الفارق بينه وبين سيد عبدالحفيظ مدير الكرة الأسبق بالنادي الأهلي.
وقال وائل القباني في تصريحات تليفزيونية ببرنامج «بلس 90» المذاع على قناة «النهار»: «مع احترامي لـ خالد بيبو لكن هو معوض سيد عبدالحفيظ، وملهاش علاقة بالبطولات، والأهلي بوجود الأتنين أو من غيرهم بياخد البطولات».
وأضاف نجم الزمالك السابق: «بيبو وعبدالحفيظ أسامي كبيرة، ولكن طريقة شغل وشخصية سيد عبدالحفيظ أقوى، وبيبو معرفش يسد الدور ده، وممكن يكون المقارنات دي بسبب أن بيبو جيه بعده».
وأكمل: «من الوارد أيضًا أن بيبو مقدرش يشتغل على نفسه كويس بحيث أنه يعوض غياب سيد عبدالحفيظ، الاتنين أسماء كبار بس ده رأيي الشخصي، والشارع كله لو سألته هيقولك كدة».
وأتم: «فكرة أن كولر مش عايز خالد بيبو حسب ما تردد على السوشيال ميديا لو كانت صحيحة، ف ده بيثبت أن في حاجة، وممكن يكون كلامنا صح أنه مش قادر يعوض غياب عبدالحفيظ».
