إبراهيم سعيد ساخرًا: أفشة أغلى من زيزو بـ250 مليون
أكد إبراهيم سعيد نجم الأهلي السابق، أن أحمد السيد زيزو لاعب الفريق الكروي بنادي الزمالك، أحد الركائز الأساسية في تفوق النادي الأبيض خلال الفترة القليلة الماضية.
وقال نجم الأهلي السابق في برنامجه المذاع على شاشة «النهار»:« في الحقيقة زيزو مميزة وقدر يشيل نادي الزمالك في فترات كتير دي حاجة محدش يقدر ينكرها».
وأضاف:« لكن زيزو ينقصه البطولة الأهم وهو دوري الأبطال، مع احترامي لكل اللاعبين واللي حققوه، لكن بردوا لازم نلتمس لزيزو العذر لأن لو في استقرار هيظهر أفضل من كد بكتير».
وواصل:« لكن مش عايزين نغفل فكرة تفضيله عقده المبالغ فيه، وده من غير ما يحصل على بطولة دوري الأبطال اللي هيه برفع قيمتك السوقية».
وأستكمل:« فكرة أنه حصل على الكونفدرالية مش إنجاز يعني يخليه يأخد الراتب ده، لو كان حصل على دوري الأبطال كان حقه يطلب 50 و60 مليون وقتها».
وواصل:« لكن الرقم اللي طلبه مبالغ فيه، فمثلا إمام عاشور اللي واخد دوري الأبطال يطلب كام، وحسين الشحات نفس الكلام، رامي ربيعة وعلى معلول يطلبوا 100 مليون».
وأتم: «وأفشة لوحده مثلا ده حكاية يطلب بقا 300 مليون،، لأنه أرقامه وبطولاته أكتر من زيزو».
