«مش معقول يلعب لحد سن الـ 50».. إعلامي ينتقد شيكابالا

انتقد الإعلامي إبراهيم سعيد، اللاعب محمود عبدالرازق شيكابالا، بسبب المستوى الذي يظهر به قائد الزمالك، خلال اللقاءات السابقة.

وقال إبراهيم سعيد خلال تصريحات فضائية عبر برنامج «+90»: «من خمس سنين بتكلم في النقطة دي، حفاظا على تاريخ شيكابالا هو من نفسه يرفع الحرج عن نفسه وعن إدارة الزمالك وعن جوزيه جوميز مدرب الفريق».

أكد: «مصلحة النادي اللاعب فوق اي حد، ومفيش حد مخلد في الكورة، ومش معقول يلعب لحد سن 50. إدي الراية لحد تاني، ممكن الزمالك يستفيد من وجود شيكا بطريقة تانية، إنه يكون مدير كورة أو مساعد مدرب أو مدرب عام، لكن تواجده في الملعب مضر للزمالك».

واصل: «لو الإدارة بتفكر صح تخليه في الجهاز الفني، أكيد في ظل الظروف دي الإدارة هتقوله خلاص، وهو لو بيحب الزمالك يقول مشواري انتهى من نفسه».