علشان مش بدي حد أخبار.. بيبو يفسر أنباء رحيله عن الأهلي

يرى خالد بيبو مدير الكرة بالفريق الكروي الأول بالنادي الأهلي، أن مكاسب القلعة الحمراء خلال الفترة الماضية، نتيجة لجهد وتعب المنظومة.

قال خالد بيبو خلال تصريحات فضائية عبر (أون تايم سبورتس): «المكاسب والإنجازات اللي بتتحق نتيجة تعب المنظومة كلها. مستغرب بعد المكاسب دي كلها في ناس بتحارب لرحيلي. لما اوضة اللبس بتاعت الأهلي مش متسيطر عليها يبقى الأوض التاينة فيها إيه ووضعها إيه؟».

واصل: «علشان خالد بيبو مش بيرد على حد وعلشان مش بيدي حد أخبار، فالناس بتنتقده. مجلس الإدارة كان بيحرم نفسه من أجل مصلحة الفرقة، ومش عاوز نعكر صفو الفرحة بشوية مشاكل».

أضاف: «أنا راجل موظف في النادي وملتزم بدوري لحد آخر دقيقة وتحت إمر الإدارة في أي قرار. أنا تحت أمر النادي الأهلي ولحم كتافي من خيره».

أتم: «لو كان إبعاد خالد عن النادي في مصلحة الفريق، فأنا أول واحد هيمشي، والكابتن محمود الخطيب شهادتي مجروحة فيه، بيتعب تعب كبير محدش يتصوره، ومش بينام وواخد باله من كل التفاصيل».