المفروض اضرب اللعيبة؟.. بيبو ينفجر غضبًا بعد أنباء رحيله عن الأهلي
قال خالد بيبو، مدير الكرة بالفريق الكروي الأول بالنادي الأهلي، إنه سعيد بكافة الإنجازت التي حققها المارد الأحمر، خلال الفترة الماضية.
وتحدث خالد بيبو، خلال تصريحات فضائية عبر برنامج «ملعب أون تايم»عن أنباء رحيله من منصبه، قائلًا: «الناس اللي بتخسر محدش بيجيب سيرتها، إحنا كسبانين وكل الناس بتجيب سيرتي، الهدف إن خالد بيبو علشان مش بيرد على الناس فاننقتده وندبحه ويرحل من منصبه».
واصل: «مينفعش بعد كمية المكاسب دي يتقال إن أوضة اللبس في الأهلي فيها مشاكل، كل الأرقام القياسية دي مكنش ممكن تتحقق بدون سيطرة على أوضة اللبس، ووقت التعثر الكل بيتجه لانتقادي أنا فقط».
وأكد: «مش بازعل على الكلام اللي بيتقال عليا، ولكن بازعل إن في ناس ممكن تصدق الكلام، يعني إيه مفيش سيطرة على أوضة اللبس، المفروض اضرب اللعيبة؟ اللاعب اللي بيغلط بيتعاقب جوا أوضة اللبس، وأكيد مش هافضل على طول ماسك جرس وأقول أنا عاقبت كذا وكذا وكذا، أنا باشتغل ومقتنع بطريقتي».
