«كهربا عمل بلاوي وشتم مدير الكرة».. رسائل نارية من مجدي عبد الغني بسبب خالد بيبو

وجه مجدي عبدالغني، نجم الأهلي السابق، رسائل نارية بسبب مطالبة جماهير الأهلي برحيل خالد بيبو، مدير الكرة بالفريق الأول لكرة القدم بالقلعة الحمراء، ومقارنته مع سيد عبدالحفيظ، مدير الكرة السابق.

وقال مجدي عبدالغني، في تصريحات تلفزيونية عبر فضائية «الشمس»: «الناس بتنتقد خالد بيبو، وتطالب برحيله، بسبب إن اللعيبة بتخرج غضبانة، ما كهربا، عمل بلاوي في المواسم الماضية وشتم مدير الكرة وانتوا عارفين كهربا، لما تفلت منه مبيبقاش عارف بيعمل إيه، وده غلط، اللي أحمد فتوح، فيه دلوقتي لازم كهربا، ياخد باله منه كويس أوي».

وأضاف: «كهربا، سيد عبدالحفيظ نفسه خصمله مليون جنيه من عقده، هل سيد عبدالحفيظ، كان مفروض يمسك كهربا يتخانق معاه؟ النادي الأهلي مش بتاع خناق ولا جدال، هو قرار بيتاخد ولازم يتنفذ».

وتابع: «لو سمحتوا بتوع السوشيال ميديا، خفوا شوية على خالد بيبو، سيبوه يكمل التجربة بعدها نحكم إذا كان ناجح أم فاشل».