«عايز تدفع كام؟».. حسين الشحات يحكي عن موقف مثير مع سيد عبد الحفيظ

كشف حسين الشحات، لاعب الأهلي، عن واقعة خاصة مع مدير الكرة السابق، سيد عبدالحفيظ، بسبب توقيع الأخير غرامة على الأول بسبب الاعتراض.

وقال حسين الشحات في تصريحات عبر برنامج «الكورة مع فايق»: «ليا مرة وأنا بتغير طلعت متنرفز واتعاقبت؟ أها اتعاقبت واتغرمت».

وأضاف: «اتغرمت كام؟ كابتن سيد كان بيحب يهزر معايا ويقولي عايز تدفع كام، وفي الآخر يخصم مني 50 أو 100 ألف جنيه على حسب يعني».

وأكمل: «في مرة الناس افتكرت إني بعترض في ماتش الأهلي والوداد في القاهرة لأني كنت خارج بزعق. أنا مش زعلان إني خارج أنا زعلان إن دخل فينا جول في التوقيت ده».

وتابع: «كنا كسبانين 2-0 وفي لحظة دخل فينا جول، فأنا خارج بزعق. يا جماعة ليه ييجي فينا جول، الناس افتكرت إني خارج زعلان».