حسين الشحات عن واقعة الشيبي: فتحت له بيتي.. وأتمنى ربنا يسامحني (فيديو)
تحدث حسين الشحات، نجم الأهلي، عن الواقعة الشهيرة مع محمد الشيبي، لاعب بيراميدز، بعد قيام الأول بصفع الثاني، عقب إحدى المباريات التي جمعت بينهما من قبل، في الدوري المصري.
وقال حسين الشحات في تصريحات عبر برنامج «الكورة مع فايق»: «بيني وبين نفسي قعدت أسبوع 10 أيام مش بنام خالص من الموقف، لأن ده مش حسين، وكانت أول مرة أعمل كدة، ومتتكررش إن شاء الله تاني».
وأضاف: «لما روحت البيت وشوفت الموقف إتضايقت من نفسي، مش بتكلم ومضايق جدًا. أنا اعتذرت مرة واثنين وثلاثة له ولأهله، وأكيد هو متأثر نفسيًا بيها وعلى المستوى الشخصي أنا أعتذرت وكتير. بعتذر له على اللي حصله ولأهله بعتذر له تاني».
وتابع: «كلنا بنغلط أهم حاجة ترجع لربنا. الشتيمة والسب، وناس كتير تقولي أنت بتشتم أنا مش بشتم، مش مرة غلطت فيها تعلقلي المشنقة، وأنا نفسي متأثر وزعلان من نفسي بعيدًا عن أي حاجة، وعايز الناس تعرف إن أي حد بيغلط كلنا بنرجع لربنا وأتمنى ربنا يسامحني وكله عند ربنا».
حسين الشحات يعلنها مع ابراهيم فايق 🔥🔥 أنا قعدت ١٠ أيام مبنامش بعد اللي عملته مع الشيبي وأكرر اعتذاري له
يعرض الآن مجاناً على شاهدhttps://t.co/WnnBlqq0S4 #الكورة_مع_فايق#MBCMASR2 pic.twitter.com/tltC6YMqWu
— MBC MASR 2 (@mbcmasr2) August 13, 2024
