توبمصر

الرئيس السيسي يوجه الشكر لأبطال فيلم الممر

وجه الرئيس عبدالفتاح السيسي الشكر إلى أبطال فيلم الممر، مشيرًا إلى أن الفيلم يعكس الروح المصرية ويعبر عن كل شرائح المجتمع.

وقال الرئيس السيسي – في مداخلة خلال الندوة التثقيفية الـ 31 للقوات المسلحة – ” أنا بشكركم والحقيقة الفيلم كان رسالة جميلة جدًا للمصريين كلهم، وأداء كل من شارك في الفيلم يعكس روح مصرية بتتكلم؛ حتى لو كان بيتكلم باسم غير المصريين، مضيفًا ” إن أداءكم الذي عبرتم به عن كل شرائح المجتمع المصري في الفيلم في هذا الوقت وروحها تجاه بلادنا، وصلتوها لينا، والشباب اللي مشفش هذا وعاشه، أتصور أنه تأثر كثيرًا، لأنكم عيشتوهم هذه الفترة، كل المجموعة كان أداءها أكثر من رائع”.

وتابع قائلًا ” أتصور للمخرجين والمنتجين أن التجربة قابلة للتكرار كثيرًا وشفتو حالة الالتفاف مش للجيش والشعب بس، للدولة حالة الالتفاف على مصر، وإحنا محتاجين في ظل اللي إحنا بنشوفه والتحديات التي نراها في المنطقة ومحاولة سلب عقول وآمال شعوبنا أن يبقى فيه على الأقل كل 6 شهور فيلم يفكر الناس ويساعدها إنها تطمن أنها دولة وشعب صلب بتاريخه .. واللي انتوا بينتوه في الفيلم وضح كده كان في ناس مستعدة للتضحية .. يعني الصعيدي اللي بيقول “أوريهم إن أنا واقف ومش خايف” .. هو رمز لشجاعة المصري، أبدًا لا يتخاذل أمام التحدي أي تحد.

وأكد الرئيس السيسي ” رسالة الفيلم جميلة و أنا بشكركم باسمي وباسم كل المصريين وإن شاء الله يكون هناك فيلم تاني وتالت بيكم وزمايلكم من الفنانين والفنانات الموجودين في مصر والمخرجين والمنتجين ” .. مضيفًا ” احنا محتاجين كثيرًا من هذه الأفلام خلال الفترة اللي إحنا موجودين فيها ومستقبلًا” .

اترك تعليقاً

لن يتم نشر عنوان بريدك الإلكتروني.

إغلاق